Fiskkaup hf. er framleiðandi á ferskum kældum flökum,  söltuðum flökum og flöttum fiski og frystum afurðum, aðallega léttsöltuðum flökum fyrir spánarmarkað og flakabitum fyrir verslunarkeðju í Bretlandi.  Höfuðáhersla er lögð á vistvænar veiðar og veiðarfæri og veiða skip félagsins eingöngu með línu fyrir vinnsluna og er áhersla lögð á línuveiddan fisk við framleiðslu afurðanna.

Fiskkaup hf. vinnur úr tæplega 4000 tonnum af hráefni á ársgrundvelli, aðallega þorsk og ýsu en jafnframt er lögð áhersla á tegundir eins og löngu, ufsa og keilu.  Rúmlega 70% af því hráefni sem Fiskkaup hf. vinnur úr kemur frá eigin bátum  en 30% er keypt á fiskmörkuðum og viðskiptabátum.

Allt innkeypt hráefni er flokkað fyrir vinnslu og tekur öll framleiðslustýring mið af stærð hráefnisins  og gæðum.  Framleiðslan  í þorski mótast af stærð og gæðum þess hráefnis sem keypt er  til vinnslunnar, þannig að smæsti fiskurinn og millifiskurinn í vinnslu á ferskum kældum flökum og frystingu á flökum og flakabitum.  Stærri fiskurinn fer í vinnslu á saltfiskafurðum og líka fryst flök.  Vinnsla á ferskum kældum þorsk -og ýsuflökum  er daglegur þáttur í vinnslunni þar sem pantanir frá kaupendum liggja fyrir í upphafi hverrar vinnuviku og framleiðslupantanir afgreiddar nánast daglega í flug.  Aðrar afurðir s.s. langa, ufsi og keila er yfirleitt saltaðar.

Gæðaeftirlit í fyrirtækinu er öflugt þar sem sýni af hráefni og afurðum eru tekin oft á dag og er meðhöndlun metin allt frá því fiskurinn kemur um borð og þar til hann er afhentur kaupanda.   Innra eftirlitskerfi  í samræmi við aðferðafræði HACCP er fylgt eftir í vinnslu og búnaði.  Lögð er áhersla á að viðhalda húsnæði og búnaði í samræmi við reglugerðir og ströngustu kröfur matvælaiðnaðarins.

Framleiðslustjóri er Baldvin Ingibergsson   Þetta netfang er varið fyrir ruslrafpósti, þú þarft að hafa Javascript virkt til að skoða það